Descripción · Deskribapena
Arthur Conan Doylek detektibearen figura giltzarri zuten narrazio laburrak idaztea bururatu zitzaionean lortu zuen benetako arrakasta. Strand aldizkarian argitaratu zen lehenbiziko saila 1891ko uztailetik aurrera. Aldizkariaren argitaratzaileak historia gehiago idazteko erreguka ari zitzaizkion etengabe, eta irakurleek argitalpenak bata bestearen atzetik agortzen zituzten beren heroia berriro lanean ikusteagatik. Ondoren Sherlock Holmesen abenturak izenburuarekin argitaratu zen bilduma gisa.
Sherlock Holmesen arrakastak Conan Doyleri medikuntza-lanak alde batera uzteko aukera eman zion. Baina ez zuen pentsatzen Holmesi betiko loturik geratzerik. Horregatik lehenbiziko hamabi abenturak bukatzerako pentsatua zeukan bere pertsonaia hiltzea, distraitu eta gauza hobeak egitea galarazten ziolako. Baina argitaratzaileen eta irakurleen eskariei amore eman, eta beste historia mordo bat idatzi behar izan zuen.
Irakurleak atseginez hartzen du historia bakoitzaren hasieran Holmesek Watson doktorearekin duen elkarrizketa, eta irakurtzeko gogoa handitzen zaio bezero berri bakoitza txunditzeko egiten dituen adierazpenekin. Ondoren, gehiegi luzatu gabe, Holmesek kasua inolako arazorik gabe argitzen du, misteriorik ilunena arazo koxkor bat besterik ez zela garbi utziaz. Formula paregabea izan zen.
