Descripción · Deskribapena
Luther Blissetten (ondoren Wu Ming izena hartuko zutenak, 54 eta Manituana eleberriak idatziz) maisualana lehenbizikoz infernuko hizkuntzan, euskaraz alegia!!! «Il nome della Rosa» eleberriarekin konparatua etengabe, eleberri historiko koral zoragarria dugu, XVI. mendeko europar lurraldeetan girotua, zisma katolikotik Kontraerreformara doazen hogeita hamar urteak zeharkatzen dituena. Horrela murgilduko gara pertsonai multzo baten erdian, printze eta Enperadore alemaniarraren aurka, jabetza pribatuen abolizioaren alde borrokatu zuten nekazari alemaniarrak, Münstergo hiria askatu zuten anabaptistak, profeta milenaristak, erromatar inkisizioa, inprimatzaileak… eta nola ez, mila aurpegidun narratzailea eta bere arerio nagusia, Q espioia.
