Descripción
Kalamuaren erabilera aintzinekoa da, bai papera, sokak edo ehunak egiteko, bai elikagai gisa, bai sendatzeko edo, besterik gabe, horditzeko asmoarekin. Gaurregun, ordea, kalamuaren erabilera ludiko eta mediko hura galerazita dago legez. Haxix eta marihuanaren salmenta kartzelaz zigortzen da eta, horren ondorioz, kalamu kontsumitzaileak, errepresio zuzenaz gain, prezio altuak eta adulterazio arriskutsuak jasan behar ditu.
Horri aurre egiteko modu ia bakarra norberarentzat landatzea da. Kontsumorako landatzeak ez dakar arrisku legal handiegirik -neurri baten barruan, noskieta osasuna babesteko bide zuzen eta -ez ahaztumerkea da. Kalamudiak Kataluniako ARSEC elkarteak asmo horrekin gaztelaniaz argitaratutako liburua itzuli eta moldatu du. Euskal Herrian dagoen cannabis kontsumitzaile kopuru handia kontutan hartuta, honelako baliabideak euskaraz ere izatea funtsezkoa iruditzen zitzaigun. Liburuak, landarearen historia eta biologia aztertu ondoren, etxe barruko eta kanpoko landaketarako gida osoa eskaintzen du: Lurra, ongarriak, ura, izurriteak inausketa eta abar. Landaketa metodo ezberdinen ondoren, sukaldaritza liburua ere badakar, kalamua era bat baino dehiagotan dastatzeko.
